Аллегри "Арсенал"да Венгер ўрнини эгаллаши мумкин

“Ювентус” клуби устози Массимилиано Аллегри “Арсенал” жамоасини тарк этиши маълум бўлган Арсен Венгер ўрнини эгаллаши мумкин, дея хабар беради Football Italia нашри.

Аввалроқ инглиз клуби мавсум якунида Венгернинг истеъфога чиқарилишини эълон қилган эди.

Аллегрининг “Ювентус” билан тузган шартномаси 2020 йилда якунига етади, бироқ сўнгги вақтларда мураббийнинг Италия жамоасидаги тақдири номаълум бўлиб турибди ва якуний қарор қабул қилиш олдидан клуб раҳбарияти билан келаси мавсум стратегияларини муҳокама қилиб олишни мақсад қилган.

Шунингдек, “Арсенал” бош мураббийлигига номзодлар орасида Карло Анчелотти, “Монако” устози Леонардо Жардим, “Барселона” собиқ мураббийи Луис Энрике ва Дортмунднинг “Боруссия” клуби собиқ бош мураббийи Томас Тухел ҳам бор.