Аллегри: Мени бўшатиб юборишмаса, “Ювентус”да қоламан

“Ювентус” жамоаси бош мураббийи Массимилиано Аллегри “Рома”га қарши (0:0) кечган Италия чемпионати 37-тур ўйинидан кейин ўз фикрлари билан ўртоқлашди.

Айнан мана шу учрашувдан кейин “Ювентус” қаторасига 7-марта мамлакат чемпионлигини расмийлаштирди.

“Мен бахтлиман. Клуб тарихидаги яна бир қисмни якунладик. Мавсум жуда қийин ўтди. “Наполи”га миннатдорчилик билдирмоқчиман, чунки улар охиригача бизга босим ўтказди. Рақибдан устунлигимиз шундаки, биз ҳар қандай вазиятда хотиржам эдик.

Агар клуб раҳбарияти мени ишдан бўшатиб юбормаса, келаси мавсумда ҳам “Ювентус”да қоламан. Муваффақиятни нишонлашни тугатиб, барчасини яна ўйлаб кўриш керак. Келаси мавсумдан ҳаммаси бошдан бошланади ва биз рақобатбардош эканимизни исботлашимиз лозим”, – деди Аллегри.