Аллегри: “Реал” – Чемпионлар лигаси фаворити

“Ювентус” жамоасининг бош мураббийи Массимилиано Аллегри ЕЧЛ ярим финалида “Барселона” ёки “Реал” билан тўқнаш келишни истамаслигини айтди.

“Умид қиламанки, “Ювентус” ЕЧЛ ярим финалида “Барселона” ёки “Реал” билан тўқнашмайди. Шу ўринда “Реал” – Чемпионлар лигаси фаворити эканини айтмоқчиман. Бу жамоалар сингари ҳеч ким ЕЧЛга бундай урғу бермайди”, – деди Аллегри.

Эслатиб ўтамиз, “Ювентус” ЕЧЛ нимчорак финалида “Тоттенхэм”га дуч келди ва икки ўйин натижасига кўра (2:2, 2:1) зафар қучиб, чорак финалга йўл олди.