Аллегри "Ювентус" билан келишувни узайтирди

Туриннинг “Ювентус” клуби бош мураббийи Массимилано Аллегри “кекса синьора” билан янги шартнома имзолади.

Унга кўра, томонлар ҳамкорликни 2020 йил ёзига қадар давом эттирадиган бўлишди. Бу ҳақда клуб матбуот хизмати маълум қилган.

Эслатиб ўтамиз, аввалроқ италиялик мутахассиснинг мавсум якунида “Арсенал”га кетиши ҳақида хабарлар пайдо бўлган эди.