Амир Хан отасининг хизматидан воз кечди

  • 2 февраль, 2017, 10:52
  • 0
  • Бокс
 

 

Британиялик машҳур боксчи Амир Хан бундан буён отаси Шоҳ ва амакиси Тоҳир унинг жамоасидан ишламаслигини маълум қилди.

Профессионал рингда қатор ютуқларни қўлга киритган Амир Хан ўз қарорини қуйидагича изоҳлади.

- Энди отам менинг жангларимни ташкил этиш ва музокаралар ўтказишда иштирок этмайди, - деди Амир Хан. - Албатта, мен ота-онамни яхши кўраман ва ҳурмат қиламан. Лекин шахсий ҳаёт билан бизнесни аралаштириб бўлмайди. Бу айрим муаммоларни келтириб чиқаради. Менинг жангларни ташкил қиладиган ўз жамоам бор. Кейинги жангимга ота-онамни ҳам таклиф қиламан.

Амир Хан профессионал боксда 31 та жангда ғалаба қозонган ва 19 та нокаут қайд этган. Тўрт маротаба мағлубиятга учраган.

SPORTS.uz

Фикрлар

Саралаш
Фикр қолдириш учун авторизациядан ўтинг!