Ана холос! Келганига 19 кун бўлган Рейна "Милан"ни тарк этиши мумкин
"Милан" билан шартнома имзолаганига эндигина 19 кун бўлган испаниялик дарвозабон Пепе Рейна жамоадан кетиши мумкин.
Сalciomercato нашри тарқатган хабарга кўра тажрибали посбон Лондоннинг “Челси” клубига ўтиб кетиши мумкин. Боиси, унинг хизматларига шахсан “аристократлар”нинг янги устози Маурицио Сарри жиддий қизиқиш билдирмоқда. 52 ёшли мутахассис 2015-2018 йилларда “Наполи”да бирга фаолият олиб борган Рейнани янги жамоасида ҳам кўрмоқчи.
Маълумотларга кўра ушбу трансфер “Челси”га тахминан 3 млн еврога тушиши мумкин.
Эслатиб ўтамиз, Рейна “Милан” сафига “Наполи” билан шартномаси тугагач эркин агент сифатида келиб қўшилган эди.
Фикрлар