Ана холос: "МЮ" Руни билан шартномани бекор қилади
Англия премьер-лигасининг энг машҳур клуби "Манчестер Юнайтед" ва жамоанинг гол уриш бўйича рекордчиси Уэйн Руни муносабатларида ғалати ўзгаришлар рўй берадиган кўринади.
Уэйн Руни бу йилдан эътиборан асосий таркибдаги жойи ва жамоадаги етакчилик мавқеидан айрила бошлади. Энди "Манчестер Юнайтед" раҳбарияти Уэйн Руни билан 2019 йилгача давом этадиган шартномани бекор қилиш арафасида турибди.
Клуб раҳбарияти бу ишни Уэйн Руни манфаати учун амалга оширмоқчи. "Манчестер Юнайтед" хўжайинлари ҳужумчи билан шартнома бекор қилиш орқали унга товон пули тўлайди ва Руни бошқа жамоага эркин агент сифатида бепул ўтиш имконига эга бўлади.
Уэйн Рунига айни пайтда уни тарбиялаган клуюб - "Эвертон" даъвогарлик қилмоқда. Футболчининг ўзи ҳам ёзда эски клубига қайтишга қарши эмаслигини билдирган.
Фикрлар