Ана холос! Мексикада Европа лигаси кубогини ўғирлашди (фото)
Футбол бўйича УЕФА Европа лигаси кубоги Мексиканинг Леон-де-лос-Альдама шаҳрида ўғирланди.
Бироқ орадан икки кун ўтиб ҳуқуқни муҳофаза қилувчи орган ходимлари ушбу қимматбаҳо совринни топишга эришишди.
Айтиш керакки, Европа лигасининг ҳомийларидан бири ҳисобланган FedEx компанияси ушбу кубокни кўргазмали маросим учун Мексикага олиб келган эди. Шундан сўнг жиноятчилар кубок жойлаштирилган машина орқали уни ўғирлашди.
УЕФА вакилларининг сўзларига кўра ушбу кубокнинг асл нусхаси ташкилотда абадий сақланади. Уни ютган жамоаларга эса кубокнинг рамзий нусхаси топширилади. Қайд этиш керакки, Мексикада ўғирланган кубок бу унинг асл нусхаси бўлган.
Маълумот учун, Европа лигасининг бу йилги финали 16 май куни Франциянинг Лион шаҳрида бўлиб ўтади.
Фикрлар