Ана холос! ПСЖ "қулоқсиз" Каванини ҳайдаб, ўрнига Санчесни олиб келмоқчи

Ёзги трансферлар даврида ПСЖнинг жиддий қизиқишларига сабаб бўлган “Арсенал” ҳужумчиси Алексис Санчес ҳамон парижликларнинг диққат марказида бўлиб турибди.

Le Parisien нашри тарқатган хабарга қараганда француз клуби январда чилилик ҳужумчини қўлга киритишга яна бир бор уриниб кўради. Бу вазиятда эса ПСЖнинг уни сотиб олиш имкониятлари янада юқори бўлиши айтилмоқда. Боиси, Санчеснинг “Арсенал” билан амалдаги шартномаси мавсум оҳирида ўз якунига етади ва у “канонирлар” билан ушбу келишувни узайтирмоқчи эмас.

Эътиборлиси, агар Санчес Парижга кўчиб ўтадиган бўлса, у ҳолда Кавани жамоага “ортиқчалик” қилиб қолади.

Эслатиб ўтамиз, бундан аввалроқ парижликлар Чили терма жамоаси аъзоси учун 10 миллион евро тўлашга тайёр эканликлари ҳақида хабарлар тарқалган эди.