Ана холос! Роналду 12та ўйинга четлатилиши мумкин

Кеча бўлиб ўтган Испания суперкубоги баҳсида майдондан четлатилган “Реал” ҳужумчиси Криштиану Роналду ҳакамни туртгани учун узоқ муддатга дисквалификация қилиниши мумкин.

Учрашув ҳаками Рикардо Бенгоэчеа майдондан чиқиб кетаётиб уни туртиб юборган 32 ёшли португалиялик футболчини ўйин баённомасига киритиб қўйган. Энди Роналду бу иши учун 12та ўйинга четлатилиши мумкин.
”Четлатишдан сўнг у норозилик белгиси сифатида мени туртиб кетди”, - дейди ҳакам.

Таъкидлаш лозимки, мамлакат футбол федерацияси қоидаларига кўра ҳакамни туртиб юборгани учун футболчи 4тадан 12та ўйингача дисквалификация қилинади.

Қайд этиш керакки, агар Роналду 5тадан кам бўлмаган ўйинга четлатилса, бу жазо бевосита Ла Лига учрашувларини ҳам ўз ичига олади. Агар у 4та ўйинга четлатилса, бу жазо фақатгина суперкубок баҳслари учун амалд қилади.

Фикрлар

Фикр қолдириш учун авторизациядан ўтинг!