Ана холос! Роналду "Реал"дан кетмоқчи

Мадриднинг “Реал” клуби етакчиси Криштиану Роналду “қироллик клуби”дан кетишни режалаштирмоқда. Бу ҳақда A Bola нашри хабар тарқатмоқда.

Юқоридаги манбаада ёзилишича, португалиялик футболчининг бундай қарорга келишига испан прокуратурасининг унга нисбатан қўяётган айбловлари сабаб бўлмоқда. Роналду бу масалада қатъий қарор қабул қилган ва бу ҳақда клуб президенти Флорентино Пересни ҳам огоҳлантирган.

Эслатиб ўтамиз, Испания прокуратураси Роналдуни 2011-2014 йилларда 14,7 млн евро миқдорида солиқлардан бўйин товлагани борасида гумон қилиб, бу иш бўйича мамлакат судига даъво аризаси киритган эди. Умуман олганда Испания  солиқ қўмитаси футболчини тўртта жиноий иш бўйича айбламоқда.