Анчелотти Родригесдан кўпроқ меҳнат талаб қилмоқда

Мюнхеннинг “Бавария” клуби бош мураббийи Карло Анчелотти жамоа ярим ҳимоячиси Хамес Родригеснинг ўйинидан мамнун эканлигини айтиб ўтган. Бироқ италиялик мутахассис ундан янада кўпроғини кутмоқда.

– Мен Родригеснинг ўйинидан жуда мамнунман. Бироқ биз футболда ҳар ким тезроқ ва яхшироқ югура олишини биламиз, — дейди Анчелотти.

Немис гранди Германия чемпионати 6-турида ўз майдонида “Вольфсбург” билан учрашади. Ўйин бугун Тошкент вақти билан 23:30да бошланади.