Андижонда мураббийлик ўқув-курслари бўлиб ўтмоқда

Андижон шаҳрида етти кунлик мураббийлик ўқув-курс семинари ташкил этилди.

Ўзбекистон футбол федерацияси, Республика мураббийлар ва ҳакамларни тайёрлаш мактаби,  ҳамда Андижон вилояти футбол федерацияси ҳамкорликда ташкил этилган ўқув-семинари куни-кеча Андижон шаҳрида бошланди. Андижон вилояти футбол федерациясининг биринчи вице-президенти Бекзод Каримовнинг ташаббуси билан ташкил этилган мазкур ўқув-семинарида бўлажак мураббийлар астойдил ўқиб, инструкторлардан илк сабоқларни олиб бормоқда. Мазкур ўқув-семинарига ОФК инструктори Усмон Тошев бошчилик қилмоқда. Унга маҳаллий мутахассис Язгелди Қутданов кўмаклашяпти.

Ўқув-семинари Бўстон даҳасида жойлашган “БЎФМ”анжуманлар зали ва машғулот майдонида бўлиб ўтмоқда. Эрталабки дарслар назарий услублар бўйича ўтказилаётган бўлса, тушликдан сўнг мураббийлар майдонга чиқиб, амалий машғулотлар борасида дарсликлар ўтказилмоқда.