Андрей Демченко: Ҳайронман...

Олий лиганинг 22-туридан ўрин олган "Обод" - "Насаф" учрашувидан кейин мезбонлар устози Андрей Демченко ўз фикрлари билан ўртоқлашди. Бу ҳақда клуб матбуот хизмати хабар бермоқда.

- "Насаф" иштирокидаги учрашувларни кўриб чиққандик, аммо бугун мен ўз жамоамнинг ўйинига тушунмадим. Ҳимоячиларимиз томонидан йўл қўйилган хатолар... Билмадим, ҳозир қон босимим ошиб турибди. Мен бир нарсани биламан, ўйинчига тажриба етишмаслиги мумкин, бу футбол, бунақаси учраб туради, бироқ ҳар қандай рақибга қарши баҳсда ҳеч бўлмаса югуриб, уни ўзи хоҳлаган ўйинини намойиш қилишига ҳалақит берса бўлади. Аввалги учрашувларда мазмунлироқ ўйнагандик, шундан келиб чиқиб, ҳаммаси изга тушиб кетишига ва йигитлар ўзларига бўлган ишончни ортишларига ишонгандим. Аммо бугун биз... ҳайронман. Мақсадимиз олий лигада қолиш ёки ҳеч бўлмаганда "ўтиш ўйини"да қатнашиш имкониятини берувни ўринни эгаллаш, кейин шунга қараб режа тузилади. Ўйлайманки, буни уддалай оламиз. Ҳали бизни ўзимизнинг савиямиздаги рақиблар билан ўйинлар кутиб турибди, - дейди Демченко.