Андрей Шипилов: Олмалиқликларни ғалаба билан табриклайман

Pepsi Суперлига 11-туридан ўрин олган "Металлург" ҳамда АГМК (0:1) жамоалари ўртасидаги баҳсдан сўнг ўтказилган матбуот анжуманининг иккинчи қисмида мезбонлар устози Андрей Шипилов ўйин ҳақидаги фикрларини билдириб ўтди. Бу ҳақда Бекобод клуби матбуот хизмати хабар бермоқда.

"Учрашув биринчи голга қадар давом этди. Шамол бизнинг дарвозамизга томон эсаётган пайтда кичик эътиборсизлик оқибатида гол ўтказиб юбордик ва ютқаздик.

Олмалиқликларни ҳаққоний ютуқ билан табриклайман. Энди кейинги ўйинларга тайёрланамиз. Бу учрашувда йўл қўйилган хатоларимизни таҳлил этамиз ва бартараф этиш чорасини кўрамиз", - деди Андрей Сергеевич.