Анри Рунига нимани маслахат берди?

Франция терма жамоаси ва Лондоннинг “Арсенал” клуби собиқ ҳужумчиси Тьерри Анри “Манчестер Юнайтед” форварди Уэйн Руни агар Хитойга кетишни истаётган бўлса албатта кетиши керак деб ҳисоблайди.

“Мен Рунига нимани истаётган бўлса шуни қилиши кераклигини маслаҳат бераман. Агар у Хитойга кетишни ҳохласа ва оиласи ҳам у ерда бахтли бўлса албатта Хитойга кетиши керак.

Мен биламан, одамлар Рунини “Эвертон”га қайтиши керак деб ҳисоблашмоқда. Бироқ, унинг у ерга қайтиши унчалик тўғри бўлмайди. Рунини ҳеч кимдан қарзи йўқ. У Англия футболига ва жаҳон футболига кўп нарса берди. Шунинг учун ҳам Руни ўзи қарор қабул қилишга ҳақли”, - дейди Анри Goal нашрига берган интервьюсида.

Эслатиб ўтамиз, аввалроқ Рунига Хитойнинг  "Гуанчжоу Эвергранд" ва ҳамюртимиз Егор Кримец тўпсурадиган "Бэйжин Гоан" жамоалари жиддий қизиқиш билдираётгани ҳақида хабар берган эдик.