Арсен Венгер кетмагунча “Арсенал” чемпион бўлолмайди
“Манчестер Юнайтед” ва “Атлетико”нинг собиқ футболчиси Диего Форлан “Арсенал” бош мураббийи Арсен Венгер истеъфога чиқмас экан, Лондон клуби Англия премьер-лигасида чемпион бўла олмаслигини таъкидлади.
- “Арсенал” 2004 йилдан буён чемпионликка эриша олмаяпти, - деди Диего Форлан. – Бу 60 минг мухлис кўз ўнгида тўп сурадиган буюк клуб. Мен Арсен Венгерни жуда қаттиқ ҳурмат қиламан. У бу клубда кўп ишларни амалга оширган. Бироқ, энди янгиланишлар даври келди. Ўзгаришлар бош мураббийдан бошланиши керак. Венгер кетмас эан “Арсенал” чемпион бўлолмайди.
“Арсенал” футболчилари жорий мавсумда Англия премьер-лигасида 24-турдан сўнг 47 очко билан тўртинчи ўринда бормоқда. Арсен Венгер буёғига шогирдлари пешқадам “Челси”га ета олмаслигини тан олди.
Фикрлар