Арсен Венгер стадионга киритилмайди

Англия футбол уюшмаси (FA) “Арсенал” бош мураббийи Арсен Венгерни “Бёрнли”га қарши (2:1)  ўйиндаги хатти-ҳаракатлари учун жиддий жазоламоқчи.

Daily Mail нашрининг хабар беришича, FA Венгерни камида учта ўйинга четлаштиради. Мураббий нафақат захира ўриндиғида, балки умуман стадион кириш бўлиш ҳуқуқидан  маҳрум этилади. 

Эслатиб ўтамиз, франциялик мутахассис “Бёрнли” билан кечган Англия чемпионати 22 -тур учрашувининг қўшиб берилган дақиқаларда ўз жамоаси дарвозаси томон белгиланган пенальтига норозилик билдирган эди. Натижада Венгер майдондан четлатилди.