Арсен Венгерни ўрнини эгаллайдиган мураббий номи ошкор бўлди
"Арсенал" жамоаси Англия премьер-лигасида бош совринни қўлга киритолмаётганига анча бўлди. Айниқса, бу йилги мавсумда "тўпчиларнинг" "Челси"га етарлича қаршилик кўрсатолмагани оқибатида бош мураббийи Арсен Венгер жамоани тарк этиши мумкинлиги ҳақида хабарлар кўпайиб бормоқда.
Арсен Венгер ёзда ўз вазифасини топшириши мумкин. Агар шундай бўлиб чиқса, "Арсенал" раҳбарияти унинг ўрнига собиқ ҳужумчи Тьерри Анри ёки "Атлетико"ни бошқараётган аргентиналик мураббий Диего Симеонени олиб келишини маълум қилди.
Арсен Венгернинг ўзи унинг кетиши ҳақидаги гап-сўзлар ҳар йили авж олишини, ўзи эса ҳали бери жамоадан кетиш нияти йўқлигини, келажакка умид билан қараш лозимлигини таъкидламоқда.
Фикрлар