"Арсенал" Бельеринни "Ювентус"га сотишни истамади

Ёзги трансфернинг сўнгги кунида Туриннинг “Ювентус” клуби “Арсенал”га жамоа ярим ҳимоячиси Эктор Бельерин борасида таклиф билан чиқди.

Football365 нашри тарқатган хабарга кўра туринликлар 22 ёшли Испания терма жамоаси аъзоси учун 36,8 млн фунт (таҳминан 40 млн евро) таклиф қилишган. Бироқ, “канонирлар” устози Арсен Венгер етакчи футболчиларидан бирини қўйиб юборишни истамаган ва бу таклифга рад жавобини берган.

Эслатиб ўтамиз, бундан аввалроқ Бельериннинг хизматларига Каталониянинг “Барселона” клуби ҳам жиддий қизиқиш билдиргани ҳақида хабарлар тарқалган эди.