"Арсенал" Португалиядан суперфутболчи олиб келади
"Арсенал" раҳбарияти мунтазам равишда таркибни кучайтириб бориш мақсадида ҳамон истеъдодли футболчиларни қидирмоқда. Бу гал Лондон клуби скаутлари иқтидорли футболчилар маконига айланган Португалиядан янги футболчи топишди.
Бош мураббий Арсен Венгер ўз скаутларини футболчининг ўйинини кўриш ва баҳолашлари учун "Порту" ва "Риу Аве" жамоалари ўйинини томоша қилишга жўнатди. "Порту"нинг 4:2 ҳисобидаги ғалабаси билан якунланган ўйинда скаутлар кузатувида бўлган Перейра Данилу ҳам рақиб дарвозасини ишғол қилди.
Данилунинг "Порту" билан шартномаси 2020 йилнинг ёзигача давом этади. Шартномада футболчини қўлга киритмоқчи бўлган жамоаси 40 миллион евро тўлаши кераклиги ёзилган. 25 ёшли ярим ҳимояси Португалия чемпионатида 15 та ўйинда иккита гол урди.
Фикрлар