"Арсенал" Санчес эвазига МЮдан Мхитарянни сўрамоқда

Лондоннинг “Арсенал” клуби мана шу қишки трансферлар давридаёқ ҳужумчи Алексис Санчесдан қутулмоқчи.

The Guardian нашри тарқатган хабарга қараганда “канонирлар” чилилик футболчи ўрнини тўлдириш мақсадида бир қатор футболчиларни олиб келишмоқчи. Ҳусусан, “Арсенал” “Бордо” ярим ҳимоячиси Малкомнинг трансфери борасида келишувга эришган. Маълумотларга қараганда ушбу бразилиялик футболчининг трансфери лондонликларга 45 млн еврога тушиши мумкин.

Бундан ташқари “Арсенал” Санчесга харидор бўлаётган “Манчестер Юнайтед”дан ҳужумкор ярим ҳимоячи Генрих Мхитарянни сўрамоқда.

Агар юқоридаги икки трансфер амалга ошадиган бўлса, Арсен Венгер жамоасининг ўйини кучайиши  мумкин.