"Арсенал" футболчилари Арсен Венгердан қочмоқда

Ёзги трансферлар мавсумида "Арсенал" таркибида жуддий ўзгаришлар бўладиган кўринади. Жамоа етакчилари - Месут Ўзил ва Алексис Санчес жамоа билан шартномани узайтиришни истамаяпти.

Бундан ташқари, яна бир ҳужумчи - Лукас Перес ҳам жамоани тарк этиш истагини билдирди. Бу ҳақида ҳужумчининг агенти Родриго Фернандес Льовель хабар берди.

- Лукас жамоани тарк этади, - деди Родриго Фернандес Льовель. - Чунки Арсен Венгер унга ўйнаш имконини бермаяпти. Перес кетса ҳам, "Арсенал" каби буюк клубга ўтади.

Лукас Пересга айни пайтда "Милан" клуби жиддий қизиқиш билдирмоқда. Футболчининг агенти Италия клубининг таклифи кзп жиҳатдан маъқул келаётганини таъкидламоқда.

SPORTS.uz

Фикрлар

Фикр қолдириш учун авторизациядан ўтинг!