"Арсенал" ўйнамаётган футболчи билан янги шартнома тузади
"Арсенал" раҳбарияти ўзига керакли бўлган футболчилар билан янги шартномаларни имзолашни давом эттирмоқда. Жамоа бош мураббийи Арсен Венгер жорий мавсумда жароҳати туфайли умуман майдонга тушмаган тажрибали ҳимоячи Пер Мертезакерга ҳам ишон билдиришга қарор қилди.
Маълумотларга қараганда, клуб раҳбарлари 32 ёшли германиялик футболчи билан янги шартнома шартлари бўйича келишувга эришган ва тез орада битим имзоланади. Бир неча йилдан буён лондонликлар клубида ўйнаётган Пер Мертезакернинг амалдаги шартнома шу йилнинг ёзида поёнига етади.
"Арсенал" бу ҳимоячини 2011 йили "Вердер"дан 11,3 миллион евро эвазига трансфер қилганди.
Фикрлар