"Арсенал" ярим ҳимоячиси эртага ўйнамайди

Лондоннинг "Арсенал" клуби ярим ҳимоячиси Месут Ўзил Англия Лига Кубоги 3-босқичидан ўрин олган "Донкастер Роверс"га қарши баҳсда иштирок этмайди.

"Месут яна машғулотларга қайтди. Бироқ у чоршанба куни ўйнамайди. Унинг тиззасида кичик жароҳат бор", - деб айтиб ўтди Арсен Венгер.

Франциялик мутахассис сўзларига кўра, олдинда турган беллашувда унинг жамоаси Европа лигаси 1-турида "Келн"га қарши кечган баҳсда қўлланган схема бўйича тўп суради.