Артём Филипосян «Андижон»га омад тилади

Олий лигага қайтиш учун курашаётган «Андижон» жамоаси хали хамон кўпчиликнинг диққат-эьтиборида турибди. Жумладан, «Бухоро» клуби сафида тўп сураётган тажрибали ҳимоячи Артём Филипосян ҳам «Андижон» клубига бефарқ эмаслигини қуйидаги фикрлари орқали билиб олишингиз мумкин.

- Биласизми, «Андижон» жамоасининг биринчи лигада қатнашаётганини кўриш шахсан мен учун қайғули бўлмоқда. Шу боис бу вазиятдан хафа бўляпман.

Ўзбек футболида «Андижон»нинг ўз ўрни бор. Уларнинг қандай ишқибозлари борлигини хамма яхши билади. Бундай жамоага фақат олий лига ярашади. Шунинг учун 2018 йилда андижонликларни олий лигада кўрмоқчиман. Бунинг учун жамоа аьзоларига омад тилайман.

Биламан, олий лигага қайтиш осон бўлмаяпти. Бироқ «Андижон» жамоаси албатта мухлисларини хурсанд қилиб, элитага қайта олади. Олий лигада «Андижон»нинг ўрни бўш турибди ва келаси йили ўз ўрнини тўлдиришига ишонаман, - дейди Филипосян.

Фикрлар

Фикр қолдириш учун авторизациядан ўтинг!