"Атлетик" ҳимоячиси "Реал"ни "Барселона"дан устун қўйди

Бильбаонинг “Атлетик” клуби ҳимоячиси Эмерик Лапорт “Реал”да ўйнаш умидида “Барселона”нинг таклифини рад этди. Бу ҳақда Don Balon нашри хабар тарқатмоқда.

Берилган маълумотларга кўра “қироллик клуби” бош мураббийи Зинедин Зидан ҳам 23 ёшли ватандошининг ўйинларига қизиқиш билдирмоқда ва уни ўз жамоаси сафида кўрмоқчи.

Таъкидлаш лозимки, Лапортнинг “Атлетик” билан амалдаги шартномаси 2020 йилга қадар имзоланган. Шу кунгача Чемпионлар лигасида иштирок этмаган футболчига ёзда Англиянинг “Манчестер Сити” клуби ҳам жиддий қизиқиш билдирган эди.

Маълумот учун, Лапорт жорий мавсум Ла Лиганинг 3та турида майдонга тушишга улгурди.