"Атлетико" Гризманнга рекорд миқдорда маош таклиф қилмоқда

Мадриднинг “Атлетико” клуби раҳбарияти ҳужумчи Антуан Гризманн “Барселона”га рад жавоби бериши учун унинг маошини кескин кўтаришга тайёр.

Хабарларга қараганда каталонияликлар 27 ёшли французга йилига 15 млн евро маош таклиф қилишмоқда. Ўз навбатида “матрасчилар” эса Гризманнга 25 млн евро маош ваъда қилишмоқда.

Таъкидлаш керакки “Барселона” Гризманни 1 июлга қадар сотиб олмайди. Чунки, 1 июлдан сўнг футболчининг товон пули 100 млн еврогача пасаяди.