“Australian open-2017”: Сенсацияга бой бугунги баҳслар тугади ёхуд ҳамма Денис Истоминнинг ўйинини кутмоқда

Австралия очиқ чемпионатининг тўртинчи босқичининг биринчи кунги беллашувлари якунланди. Мукофот жамғармаси 36 миллион АҚШ долларидан ошиқ бўлган "Катта дубулға" туркумидаги мазкур турнирнинг бугунги баҳсларида ҳам кутилмаган натижалар вайд этилди.

Хусусан, жаҳон рейтингида биринчи ўринни эгаллаб турган британия Энди Маррей ҳам турнирни эрта тарк этди. Шунингдек, аввалги мавқеига қайтаётган Рожер Федерер жаҳон рейтингида кучли бешликдан жой олган Кей Нисикорини мусобақадан чиқариб юборди.

Бугунги натижалар билан танишинг:

Миша Зверев (Германия) — Энди Маррей (Буюк Британия, 1) 7:5 5:7 6:2 6:4

Станислас Вавринка (Швейцария, 4) — Андреас Сеппи (Италия) 7:6 7:6 7:6

Жо-Вильфрид Цонга (Франция, 12) — Даниэль Эванс (Буюк Британия) 6:7 6:2 6:4 6:4

Рожер Федерер (Швейцария, 17) — Кей Нисикори (Япония, 5) 6:7 6:4 6:1 4:6 6:3

Австралия очиқ чемпионатининг иккинчи кунги беллашувлари эртага бўлиб ўтади. Ҳамма ўзбекистонлик Денис Истоминнинг ўйинини кутяпти. Чунки ҳамюртимиз аввалги босқичларда Новак Жокович ва Пабло Карреньо-Буста сингари кучли теннисчиларни мағлуб этди. Теннис мухлислари ва мутахассислар Денисдан учинчи сенсяцияни кутишмоқда. Чунки бу галги рақиб ҳам дунё теннисида ном қозонган ракетка усталаридандир.

Эртага қуйидаги теннисчилар ўзаро куч синашади:

Доминик Тим (Австрия, 8) — Давид Гоффен (Бельгия, 11) 

Григор Димитров (Болгария, 15) — Денис Истомин (Ўзбекистон, WC) 

Роберто Баутиста-Агут (Испания, 13) — Милош Раонич (Канада, 3)

Гаэль Монфис (Франция, 6) — Рафаэль Надаль (Испания, 9) 

SPORTS.uz