Айёрлик қилмоқчи бўлган "МЮ" пулига куйиб қолди
"Манчестер Юнайтед" клуби раҳбарияти айёрлик қилмоқчи бўлиб, кутилмаган ҳолатга тушиб қолди
Манчестерлик раҳбарлар Жозе Моуриньога керак бўлмаган футболчилардан бири Маруан Феллаини масаласида пул ишлаб олмоқчи бўлди. Футболчига бўлаётган таклифларни ўрганиб чиққан "МЮ" хўжайинлари Фабио Каннаваро бошқараётган "Тяньцзинь Сунцзян" Феллаинини аниқ олишига ишониб, белгиялик футболчининг эркин агент мақомида кетмаслиги ва трансфердан пул ишлаш мақсадида ярим ҳимоячи билан шартномани 2018 йилгача узайтириб қўйди. Амалда эса бундай бўлиб чиқмади.
- Бизга Феллаинини олишни тавсия қилишган эди, - дейди "Тяньцзинь Сунцзян" бош мураббийи Фабио Каннаваро. - Лекин бу режа бизга тўғри келмади. Чунки биз бошқача усулда ўйнайдиган футболчи қидиргандик.
Феллаини жорий мавсумда барча турнирларда 30 та учрашувда майдонга тушди ва иккита гол урди.
Фикрлар