Азиз Асимов ОФК Кубоги плей-офф ўйинида ишлайди

27 май, 14:56 147

Азиз Асимов ОФК Кубоги плей-офф ўйинида ишлайди

 

Ўзбекистонлик ФИФА рефериси Азиз Асимов ОФК Кубоги–2017 плей-офф босқичи жавоб ўйинидан ўрин олган “Ал-Веҳдат” (Иордания) – “Ал-Ваҳда” ( Сурия) ўйинига бош ҳакам этиб тайинланди.

Азиз Асимовга қанотларда Алишер Усмонов ва Тимур Гайнуллин ёрдам беради. Захира ҳаками вазифасини Шерзод Қосимов бажаради. Учрашув комиссари сифатида Хитой Тайпейи вакили Чанг Чин По ишлайди. Ҳакамлар назоратчиси – Перейра Уотлер Эдвард (Ҳиндистон).

“Ал-Веҳдат” – “Ал-Ваҳда” жавоб ўйини 30 май куни Иордания пойтахти Амман шаҳрида бўлиб ўтади. Дастлабки беллашувда “Ал-Ваҳда” 4:1 ҳисобида ғалаба қозонган.