Бакка Фалькаонинг натижасини такрорлади

Аввал хабар берганимиздек кеча "Вильярреал" Ла Лиганинг 35-турида "Сельта"ни қабул қилди ва 4:1 ҳисобида йирик ғалабани қўлга киритди.

Эътиборлиси, шу куни майдон эгаларининг учта голига колумбиялик ҳужумчи Карлос Бакка муаллифлик қилди. Opta нашри тарқатган хабарга кўра айнан Бакка Испания Ла Лигасида хет-трик қайд этган иккинчи колумбиялик футболчига айланди.

Таъкидлаш керакки, бундан аввал фақатгина "Атлетико"нинг колумбиялик собиқ ҳужумчиси Радамель Фалькао Испания чемпионатида хет-трик қайд эта олган эди.