Бақоев: Йигитлар жуда чарчашди

Ўзбекистон Суперлигаси 8-туридан ўрин олган “Бухоро” – “Қизилқум” (1:0) учрашувидан сўнг мезбонлар бош мураббийи Улуғбек Бақоев баҳс борасидаги фикирларини билдириб ўтди. Бу ҳақда "Бухоро" матбуот хизмати хабар бермоқда.

"Ўзингиз гувоҳи бўлганингиздек бугун жуда оғир ўйин бўлди. Тўғрисини айтадиган бўлсам, икки кетма–кет ўйинларда йигитлар жуда чарчашди. Биз буни ўйиндан олдин билган эдик ва йигитларни огоҳлантиргандик. Буни тўғри тушуниш мумкин. Бироқ шунга қарамай, улар учрашувда охиригача курашишди. Шунинг учун ғалабани уларники деб айта оламан ва бугунги ғалаба билан “Бухоро” ишқибозлари ва барчани табриклайман", - деб айтиб ўтди Бақоев.

Асилбек Амонов - Тўғрисини айтсам, хурсанд бўлишни ҳам хафа бўлишни хам билмайман. Чунки ўзим навоийликман шунинг учун қанақадир бошқача ҳис туйғулар бўлди менда – дея кулади. Бугунги ғалаба билан барча ва барча мухлисларимизни табриклайман ва Навоийнинг ишқибозларига ҳам жамоаларини қўллаб–қувватлаш учун келганликларига рахмат айтмоқчиман. Келгуси учрашувларда уларга омад тилайман.