“Баркамол авлод – 2017”: Шахмат бўйича ғолиблар аниқланди

28 май, 10:47 184

“Баркамол авлод – 2017”: Шахмат бўйича ғолиблар аниқланди


“Баркамол авлод – 2017” спорт ўйинларининг шахмат тури бўйича ғолиблар аниқланди.

7 турда бўлиб ўтган мусобақада барча қатнашчилар маҳоратли тарзда беллашишди ва бу иштирокчилар учун ўз кучларини яна бир бора намоён этишга қулай имконият яратиб берди.

Сўнгги натижаларга кўра, ўғил болалар ўртасида пешқадамликни тошкентлик Ортиқ Ниғматов забт этди. У 7 турдан 6 очко жамлаб, рақибларидан устун эканлигини исботлади. 2-ўринни жиззахлик Элбек Тўйчиев 5 очко билан эгаллади. Яна бир иқтидорли шахматчи – 5 очко жамғарган самарқандлик Шаҳзод Воҳидов эса 3-ўринга муносиб деб топилди.

Қизлар ўртасида кечган қизғин баҳсларда ҳеч қайси рақибига енгилмай, 7 имкониятдан 7 очко тўплаган фарғоналик Гулруҳбегим Тоҳиржонова биринчиликни қўлга киритди. 5 очкога эга бўлган Баҳора Абдусатторовага (Тошкет шаҳри) 2-ўрин насиб этди. Навоийлик Маржона Ўктамова эса (5 очко) кучли учталикни якунлаб берди.

Ўйин якунида ғолибларга диплом ва эсдалик совғалар топширилди.

Иродабону АВВАЛБОЕВА

Ижтимоий тармоқлар

Бизни ижтимоий тармоқларда кузатиб боринг!

.