"Барселона" Горетцканинг орзусини кечиктирмоқчи эмас

Каталониянинг “Барселона” клуби “Шальке-04” етакчисини тезроқ қўлга киритиб, бу борада “Бавария”, МЮ ва “Арсенал” каби жамоаларни доғда қолдирмоқчи.

Таъкидлаш лозимки, 22 ёшли Германия терма жамоаси аъзосининг гельзенкирхенликлар билан амалдаги шартномаси 2018 йилда ўз ниҳоясига етади ва у “Шальке” билан келишувни узайтирмоқчи эмас.

Бундан аввалроқ Горетцка фаолиятини “Барселона” ёки “Бавария”да давом эттиришни режалаштираётгани ҳақида хабарлар тарқалган эди. Каталонияликлар эса бу имкониятдан унумли фойдаланиб, уни қишки трансферлар давридаёқ ўз сафларига қўшиб олишмоқчи. Ушбу трансфер “Барселона”га таҳминан 10-15 млн еврога тушиши айтилмоқда.

Янги футболчига йўл очиш мақсадида “кўк-анор ранглилар” қишда Андре Гомеш, Арда Туран ёки Рафинья Алькантаралардан бири билан ҳайрлашади.

Фикрлар

Фикр қолдириш учун авторизациядан ўтинг!