“Барселона” Коутиньони қўлга кирита олмаса…

Лондоннинг “Арсенал” клуби ярим ҳимоячиси Месут Ўзил “Барселона”нинг қизиқишлари доирасида бўлиб турибди. Бу ҳақда Мundo Deportivo хабар бермоқда.

Каталонияликлар “Ливерпуль”дан Фелипе Коутиньони қўлга кирита омасалар, заҳира вариант сифатида германиялик футболчини кўз остига олишган.

29 ёшли Ўзилнинг “тўпчилар” билан шартномаси мавсум сўнггида якунига етади. Арсен Венгер эса Ўзил ёзда жамоани эркин агент сифатида тарк этмаслиги учун уни қишдаёқ сотиб юборишга тайёр эканлигини айтиб ўтган эди.

Қайд этиш жоиз, Ўзил бу мавсум ЕЧЛда ўйнагани йўқ ва январда “Барселона”га ўтса, бемалол ЕЧЛда ўйнаши мумкин.

Маълумот учун, Ўзил бу мавсум АПЛда 9 та баҳсда майдонга тушди ва 1 гол киритиб, 2 та голга ассистентлик қилди.

Фикрлар

Фикр қолдириш учун авторизациядан ўтинг!