"Барселона" футболчиси "Интер" билан келишувга эришди

Каталониянинг “Барселона” клуби ярим ҳимоячиси Рафинья  Алькантара фаолиятини Италия А Сериясида давом эттириши мумкин. Илгарироқ,  “Барселона” “Интер” томонидан унинг учун билдирилган 20 млн евролик таклифни рад этгани айтилган эди.

Mundo Deportivo хабарига кўра, томонлар ниҳоят ўзаро келишувга эришишди. Хабарда айтилишича, бу борада расмий янгилик бугун оқшом чиқиши мумкин.

Рафинья “нерадзуррилар” билан  шахсий шартнома борасида келишиб олди. Бугун “Интер” спорт директори Пьеро Аузилио каталонияликлар билан трансфернинг сўнгги деталлари борасида музокара ўтказади.

Маълумот учун, Рафинья 2017 йилнинг апрелидан буён жароҳати боис майдонга тушгани йўқ.  

Фикрлар

Фикр қолдириш учун авторизациядан ўтинг!