"Барселона" футболчиси рафиқасини деб, рус клубига ўтмади

Испаниянинг "Барселона" клуби ҳужумчиси Кристиан Тельо аслида Москванинг "Спартак" жамоаси билан шартнома имзолаши лозим эди. Бироқ 26 ёшли футболчи сўнгги сонияларда Россияда ўйнашдан бош тортган эди.

Бунинг сабаби эса футболчи ҳомиладор рафиқаси эканлиги маълум бўлди. Июнь ойи сўнггида москваликлар Тельо борасида "Барселона" билан келишган, сўнг унинг ўзи ва агенти билан шахсий шартнома борасида келишувга эришган эди.

Тиббий кўрикдан ўтиш учун Россияга йўл олиши лозим бўлганида эса рафиқаси бунга қарши чиқади. Оқибатда футболчи "Бетис" сафига бориб қўшилади. Унинг андалусияликлар билан шартномаси эса 2022 йилга қадар амал қилади.

Фикрлар

Фикр қолдириш учун авторизациядан ўтинг!