“Барселона” огохлантиришларга эътироз билдирган
“Барселона” Испания чемпионатида “Леганес”га қарши учрашувдаги (3:0) Херард Пике ва Луис Суаресга кўрсатилган огохлантиришларга эътироз билдирган.
Эслатиб ўтамиз, Пике учун бу примерада 5-сариқ карточка, шу сабабли у якшанба куни бўладиган “Валенсия”га қарши ўйинни ўтказиб юборишга мажбур.
- Ундиано Мальенко қўл қўйган ҳақамнинг баёнатига кўра ҳимоячи “тўп эгаллаган рақибни ушлаб” қолган, шу қатори Суарес дарвозабонга “ҳалақит бергани” сабабли огохлантирилган, - дея хабар бермоқда “кўк-анор ранглилар”нинг расмий веб-сайти.
Маълумот учун, уругвайлик хужумчи Ла Лигада 3 та сариқ карточкага эга.
Фикрлар