“Барселона” президенти Гризманнинг оиласи билан учрашди

Каталониянинг «Барселона» клуби “Атлетико”дан Антуан Гризманни ёзда жамоага олиб келиш йўлларини изламоқда. Бу ҳақда Mundo Deportivo нашри хабар бермоқда.

Манбанинг маълум қилишича, “Барселона” президенти Жозеп Бартомеунинг шахсан ўзи Гризманнинг оиласи билан учрашди. Учрашув Барселонадаги ресторанларнинг бирида ўтди. Футболчининг ёнида Францияда Антуаннинг ишлари билан шуғулланувчи ота-онаси ва синглиси иштирок этишди.

Аввалроқ, футболчининг “Барселона” клуби келишувга эришгани борасида хабарлар тарқалганди. Унинг трансфер нархи 100 миллион евро ва ўйинчи рекорд даражада сотилади.