"Барселона" таркибини "Реал"да ўйнаган футболчи билан кучайтирмоқчи

Аргентина терма жамоаси ва Франциянинг ПСЖ клуби ҳужумкор ярим ҳимоячиси Анхель ди Мария яна Ла Лигага қайтиши мумкин.

Marcador Radioнинг хабар беришича 29 ёшли футболчи Неймарсиз қолган “Барселона”нинг асосий трансфер нишонидан бири ҳисобланади. Каталония супер клуби ди Мария билан ўзининг ҳужум чизиғини кучайтирмоқчи.

Эслатиб ўтамиз, ди Мария учун Испания Ла Лигаси бегона эмас. Боиси, у 2010-2014 йилларда Мадриднинг “Реал” клуби шарафини ҳимоя қилган.