"Барселона"га қарши баҳсда "Ювентус"нинг 6 футболчиси майдонга туша олмайди

"Ювентус" ҳимоячиси Жоржо Кьеллини ва Марио Манжукичлар эртага ЕЧЛ 1-туридан ўрин олган "Барселона"га қарши кечадиган баҳсда жамоасига ёрдам бера олмайди. Бу ҳақда Турин клуби расмий сайти хабар бермоқда.

Кьеллини Италия терма жамоасида орттириб олган жароҳатидан сўнг тикланмоқда. Манжукич эса Италиа А Серияси 3-туридан ўрин олган "Кьево"га қарши баҳсда жароҳат олган эди.

Илгарироқ, Сами Хедира, Клаудио Маркизио, Бенедикт Хёведес ва Хуан Куадрадолар турли сабабларга кўра, ушбу ўйинни ўтказиб юбориши айтилган эди.

Эслатиб ўтамиз, мазкур ўйин эртага Тошкент вақти билан соат 23.45 да старт олади.