"Барселона"нинг "Мессиси"дан “Челси” ва “МЮ” ҳам умидвор бўлмоқда

Франциянинг “Монако” клуби хавбеки Бернарду Силва фаолиятини Англиянинг иккита топ клубидан бирида давом эттириши мумкин.

The Sunday Times нашрининг маълум қилишича 22 ёшли португалиялик футболчининг хизматларига Лондоннинг “Челси” клуби жиддий қизиқиш билдирмоқда. Шунингдек Жозе Моуриньо бошқарувидаги “Манчестер Юнайтед” ҳам Силвани ўз сафида кўришни истамоқда. Таъкидлаш керакки, Португалия терма жамоаси аъзосининг трансфер қиймати 80 миллион еврога баҳоланмоқда.

Маълумот учун, Бернарду ушбу мавсум “Монако” сафида Франция чемпионатида жами 25та учрашувда иштирок этган ва ўз ҳисобига 6та гол ҳамда 7та голли узатма ёздириб қўйишга эришган.

Эслатиб ўтамиз, аввалроқ Каталониянинг "Барселона" клуби Силвани жамоа етакчиси Лионель Мессига ўринбосар сифатида кўраётган ва уни ўз сафига қўшиб олмоқчилиги ҳақида хабарлар тарқалган эди.