Бартомеу: "Ливерпуль" Коутиньо учун 200 миллион сўради, биз эса 100 миллион таклиф қилганмиз

Каталониянинг “Барселона” клуби президенти Хосеп Бартомеу “Ливерпуль” ярим ҳимоячиси Филиппе Коутиньонинг амалга ошмай қолган трансфери борасида гапириб ўтди.

“Мен ҳозир Коутиньо учун қанча пул таклиф қилганимиз ҳақида гапирмоқчи эмасман, аммо ўшанда “Ливерпуль” футболчиси учун 200 млн евро сўраган эди.

Биз унинг учун 150 ёки 200 миллион сарфлашни истамаган эдик ва шу боис бу ўйиндан чиқишга қарор қилдик. Биз таклиф қилган маблағ 100 миллиондан ҳам озроқ эди. Бонуслар билан бирга ушбу сумма нари борса 120 миллион еврони ташкил этарди.

Биз ушбу маблағларни клуб академиясига сарфлашимиз керак. Шундагина бу адолатли бўлади”, - дейди Бартомеу Goal интернет нашрига берган интервьюсида.