Бекзод Турсунбоев Тошкентда иккинчи нокаутни расмийлаштирди

Тошкентда бўлиб ўтаётган профессионал жангларда 8 нафар боксчимиз Россия, Танзания, Индонезия, Грузиядан келган чарм қўлқоп усталари билан куч синашмоқда.

Бокс кечасининг иккинчи тўқнашувида ҳамюртимиз Бекзод Турсунбоев дебют жангини индонезиялик Рой Мухлисга қарши рингга кўтарилди. 

66,6 кг вазнда 6 раунд этиб белгиланган қарама-қаршиликда Бекзод катта устунликка эга бўлиб, биринчи раунддаёқ жангни тўхтатиб қўя қолди.

Рой Мухлис эса шу вақтга қадар профессионал боксда 29 ғалаба, 8 мағлубият ва 3 дуранг қайд этган.

Кечанинг асосий жангида Азиз Абдуғофуров (10-0-0, КО4) россиялик Дмитрий Чудинов (21-2-2, КО13 -Россия) билан чемпионлик жангида учрашади.