Бельгиялик ишқибозлар Наингголанни терма жамоага қайтаришни талаб қилишмоқда

Бельгиялик футбол мухлислари бу сафар ҳам терма жамоага чақирилмаган “Рома” ярим ҳимоячиси Ража Наингголанни қўллаб-қувватлашда давом этишмоқда.

Бельгия терма жамоасининг очиқ машғулотларига ташриф буюрган мухлислар ўзлари билан бирга Наингголаннинг сурати туширилган баннерларни олиб келишди ва бош мураббий Роберто Мартинесдан эски гиналарни унутиб, жамоа учун муҳим бўлган футболчини ортга қайтаришни талаб қилишди.

Бундан ташқари, 24 ёшли Торген Азарнинг сўзларига кўра айни дамда терма жамоага Ражадек маҳоратли ярим ҳимоячи етишмаяпти.

“Наингголаннинг қандай футболчи эканлиги ҳаммага маълум. У чиндан ҳам буюк футболчи. Ҳозир унинг терма жамоада йўқлиги жуда афсусланарли. Бизга айнан у етишмаяпти. Аммо биз бош мураббийнинг қарорини ҳам ҳурмат қилишимиз лозим”, - дейди Азар.