Белотти бир ойга сафдан чиқди

“Торино” клуби ҳужумчи Андреа Белоттининг жароҳат олганлигини тасдиқлади. Берилган маълумотларга кўра 23 ёшли тўпурарнинг соғайишига таҳминан бир ой вақт талаб этилади.

Шу тариқа Белотти жорий ҳафта ЖЧ-2018 саралаши доирасида бўлиб ўтадиган Албания ҳамда Македония терма жамоаларига қарши баҳсларда Италияга ёрдам бера олмайди.

Эслатиб ўтамиз, Белотти А Сериянинг ўтган 7та турида рақиблари дарвозасига 5та тўп киритишга мувоффақ бўлди. У шунингдек Италия терма жамоаси сафида 11та учрашувда майдонга тушган ва ушбу баҳсларда ўз ҳисобига 4та гол ёздириб қўйишга эришган.

Маълумот учун, Марко Верратти, Лоренцо Пеллегрини ва Даниэле де Росси каби футболчилар ҳам яқинлашиб келаётган баҳсларда жароҳати сабаб Италия терма жамоасига ёрдам беришолмайди.