Бенатиа: "Ювентус" жавоб баҳсида масалани ҳал қилиши мумкин

Туриннинг "Ювентус" клуби ҳимоячиси Мехди Бенатиа кеча бўлиб ўтган "Тоттенхэм"га (2:2) қарши баҳсдан сўнг ўзининг ўйин ҳақидаги фикрларини билдириб ўтди.

“Ҳозир бутун жамоанинг кайфияти яхши эмас. Учрашувни ўзимиз кутгандек жуда фаол бошладик. Бундай учрашувларда жуда муҳим бўлган тезкор голни уришга муваффақ бўлдик.

Аммо кейинчалик тўпни рақибга топшириб қўйдик. Бу эса якунда “шпорлар”га омад келтирди.

Биз жавоб баҳсида нима қилиш кераклигини биламиз ва шундай экан жавоб баҳсида ўз мақсадимизга етишишимиз учун барчаси етарли”, - дейди марокашлик футболчи.

Эслатиб ўтамиз, "Тоттенхэм" ҳамда "Ювентус" жамоалари ўртасидаги жавоб баҳси 7 март куни "Уэмбли" стадионида бўлиб ўтади.