Бензема инглиз клубига ўтишдан бош тортди

“Вест Хэм” клуби “Реал” ҳужумчиси Карим Бенземани ўз сафига қўшиб олишга уриниб кўрган, дея хабар беради Don Balon нашри. Манбада ёзилишича, “болғаурарлар” 30 ёшли франциялик футболчи учун 60 миллион евро таклиф қилишган, бироқ Бензема буни рад қилган.

Шунга қарамасдан, “қироллик клуби” Бенземани сотишни режалаштирмоқда. Мадридликлар бу билан таркибни кучайтиришни ўз олдиларига мақсад қилишган.

Эслатиб ўтамиз, Бензема “Реал” сафида 2009 йилдан бери тўп суриб келмоқда. Бу вақт ичида у барча турнирларда 404 ўйинда майдонга тушиб, 189 голга муаллифлик қилган. У мадридликлар билан 15 та совринга эга чиққан. Булар орасида 2 та Испания чемпионати ва 3 марта ЕЧЛ бош совринлар бор.