Берлускони: "Милан"нинг "ишлари"га тушунмаяпман

Италиянинг “Милан” клуби собиқ хўжайини Сильвио Берлускони янги раҳбариятнинг қилаётган ишларига тушунмаётганини айтиб ўтди.

“Мен уларнинг трансфер компаниясини тушунмаяпман. Жамоада 11 футболчини алмашганини ҳеч қаерда кўрмаганман. Улар шунча сарфлаган пулларига яхшироқ футболчи сотиб олишлари мумкинмасмиди?

Сусо ва Бонавентура каби тезкор ва юқори техникали футболчилар заҳира ўриндиғида ўтиришипти. Улар шунингдек узоқ йиллар давомида “Ювентус” рамзига айланган Бонуччига сардорлик боғичини топшириб қўйишди. Менимча, сардор ҳеч бўлмаганда Монтоливо бўлиши керак эди.

Мураббий масаласига келадиган бўлсак, мен бу жойда Кристиан Броккини кўрмоқчи эдим. Бироқ, шифохонадалигимда улар Монтеллани танлашганини эшитдим”, - дейди Берлускони Corriere della sera нашрига берган интервьюсида.

Эслатиб ўтамиз, "Милан" айни дамда хитойлик инвесторлар мулки ҳисобланади.